«Lille promille» frå Dale vidaregåande skule stakk av med sjekken etter kåringa i Sunnfjord. Geir Leon Hetle i Statens vegvesen seier dei ikkje var i tvil om kven som skulle få pengane.
– «Lille promille» var den av dei kontrollerte russebilane som var i best teknisk stand. I tillegg var den ikkje ombygd, og var utrusta med originale seter og belter.
Andreplassen på 1000 kroner gjekk til ”Godt og blandet” frå Mo og Jølster vidaregåande skule avd Jølster.
- LES OGSÅ:
10 godkjende i Nordfjord
I Nordfjord var der ein russebil frå Eid vidaregåande skule som blei den tryggaste bilen. På andreplass kom ein russebil frå Stryn.
13 russebilar var med, og no er det berre tre bilar nord i fylket som ikkje har fått det grøne oblatet «Godkjend russebil 2011». Vegvesenet trur desse blir godkjende innan kort tid.
Utbetrar feila
I Sunnfjord blei 23 bilar kontrollerte i dag. Av desse har 10 fått tildelt det grøne oblatet.
– Vi veit at fleire er i ferd med å utbetre feil og manglar på bilane sin for å få tildelt oblatet som er viktig for russen, seier Hetle.
- LES OGSÅ:
Ein kontroll tidlegare i veka ga ikkje oppløftande resultat. Berre fire av 22 bilar blei godkjende. No har av russane teke ansvar og retta opp i feil og manglar som blei avdekka under kontrollen.
Han er svært nøgd med at ingen av bilane har hatt bremsesvikt under bremseprøvane dei har gjort.
– Dette er gledeleg og russen sjølv er glad for at vi set fokus på trygge bilar, seier Hetle.
Til saman har vi i Fjordane kontrollert 36 russebilar, 20 av desse har altså fått tildelt grøn oblat som viser dei er «Godkjent russebil mai 2011».