Politikarane i Førde har lenge jobba for å få lagt den sterkt trafikkerte E39 utanom sentrum. Gjennom den såkalla Førdepakken vil dei gjere dette, i tillegg til å utbetre det interne gatenettet i byen.
Men no viser det seg at Førdepakken ikkje kan omfatte ein ny europaveg som skal gå utanom sentrum, skriv avisa Firda. Det igjen betyr at det kan vere bomstasjonar i fylket største by allereie om to år.
- LES OGSÅ:
– Førde kan ikkje stå stille
På eit møte med bystyret i går orienterte leiar i Førdepakken AS, Oddvar Flæte, om stoda for vegprosjektet.
Flæte forklarte at det å leggje E39 vekk frå sentrum er eit prosjekt som krev mykje planlegging. Så lang tid vil dette kome til å ta at E39 ikkje kan leggjast inn i Førdepakken.
– Førde kan ikkje stå stille til slutten av 2020-åra. Vi kan ikkje la byen gro ned med bilar og eksos, sa Flæte til politikarane, skriv Firda.
I tillegg er E39 eit enkeltprosjekt so berre kan krevje inn bompengar i etterkant, skriv avisa.
Når politikarane no skal gå vidare med Førdepakken blir det altså eit prosjekt som berre skal ta for seg utbetring av det interne vegnettet i Førde.
Eit slikt prosjekt opnar opp for at det kan hentast inn bompengar allereie medan anlegget er under bygging, og bomstasjonane kan altså kome opp allereie i 2014.
- LES OGSÅ:
- LES OGSÅ: –
Det må bli oppfatta som forstandig
No må politikarane mellom anna bestemme seg for kva gater og vegar som skal vere med, og kvar bomstasjonane skal stå.
– Bompengenivået må bli slik at det blir oppfatta som rimeleg og forstandig av dei som bur i Førde, sa ordførar Olve Grotle ifølgje Firda.
Grotle fortalde vidare at dei er i gang med forhandlingar med fylket og staten om korleis partane kan vere med å betale for vegutbygginga.
Fleirtalet av innbyggjarane i Førde sa i ei meiningsmåling i fjor vår at dei ikkje ville betale bompengar for ny E39 utanom sentrum av byen.
- LES OGSÅ:
- LES OGSÅ:
- LES OGSÅ: