Fekk det ikkje til å klaffe på bana - men skaut to hjortar dagen før

– Eg skaut to hjortar – ei kolle og ein kalv. Det var heilt fantastisk moro, seier Ole Jørgen Halvorsen.

• LES OGSÅ: Ingen revansje for Sogndal

Glad han fekk sitje på post

Saman med dei andre på Sogndal fekk han ikkje hol på byllen mot Aalesund, då laga spelte 0-0 på Fosshaugane.

Men for Halvorsen sin del, kan han iallfall skryte på seg to fulltreffarar dagen før.

– Eg fekk lov til å sitje på post, og slapp å jage ettersom det var kamp i dag, seier angriparen.

• LES OGSÅ: «Det er siste året av kontrakten. Eg tenkjer på det kvar einaste dag»

Hadde sjansar - greidde ikkje score

Halvorsen og jaktlaget hadde ein flott dag med hjortejakt i Fjærland på laurdag.

Søndag enda det med uavgjort mot tabellnabo Aalesund på fotballbana.

– Eg lever godt med 0-0. Vi møter eit veldig godt fotballag, seier trenar Harald Aabrekk.

• LES OGSÅ: For to år sidan var Scheel uønskt i Stabæk. No er han aktuell for LSK

Sogndal hadde sunnmøringane i kne dei siste ti minutta av kampen, men greidde ikkje å omsetje dei mange sjansane dei då skapte i mål.