Dermed er det duka for dragkamp om leiarvervet når Arbeidarpartiet skal velje ny leiar på årsmøtet til helga.
– Eg har no stilt meg til disposisjon og må ta konsekvensen av det. Eg har blitt oppmoda av fleire lokallag til å stille og håpar at partiet vil ha meg som ny fylkesleiar, seier Hilmar Høl.
- LES OGSÅ: Duka for dragkamp om leiarvervet
Det vakte stor oppsikt då det i januar i år vart kjent at Nils P. Støyva går av som fylkesleiar til fordel for ny jobb som distriktssekretær i LO.
Kristin Maurstad frå Vågsøy Arbeidarparti er no innstilt av valnemnda og Flora Arbeiderparti lanserte på måndag, Solveig Willis som kandidat.
– Fryktar du at ei kampvotering vil føre til ei splitting i paritet?
– Nei, det gjer eg ikkje. Det er som leiaren i valnemnda seier at vi er heldige som har tre gode kandidatar, og alle er villige til å ta denne posisjonen. For kandidatane så endrar ikkje dette seg, for vi vil jo framleis ha posisjonen. Eg trur ikkje det vil føre til noko splitting i partiet om nokon andre enn den som er innstilt blir valt, seier Høl.
- LES OGSÅ: Trekkjer seg som Ap-leiar
- LES OGSÅ: Slik skal dei skaffe ny fylkesleiar
Han føler no at han er moden til å ta steget vidare. Høl har vore lokalleiar i Årdal i ni år og sete i styret i Sogn og Fjordane Arbeidarparti sidan 2007.
– Eg har teke eit fylkespolitisk steg som gjer at eg òg har opna auga mine og føler at eg kan bidra til å vere ein samlande leiar for Sogn og Fjordane, seier Høl som er svært motivert og kvir seg ikkje for ei kampvotering.