Quizen vår er ei ganske lett blanding, der dei fleste spørsmåla er knytte til fylket vår.
Set deg gjerne saman med nokon, finn fram penn og papir – og du er klar.
Notèr ned første bokstaven i svaret, og alle bokstavane blir til eit løysingsord. Det sender du inn i svarboksen nedst på sida.
Vi plukkar ut ein heldig vinnar kvar dag. Vinnarane får eit NRK-krus med litt påskegodt i posten. Av alle som sender inn rett svar i løpet av påska plukkar vi ut ein vinnar som får ein DAB-radio.
Er du klar? Her er dagens quiz:
- Hyaren Jon Rolf Skamo Hope henta heim to gull og eit sølv under junior-VM på langrenn i vinter. I kva land gjekk meisterskapen?
- Proffspelar Elise Thorsnes frå Leikanger har bytta klubb og skal no spele fotball i USA. Kva heiter klubben ho skal spele for?
- Håpet om å byggje Harastølen i Luster om til hotell er større enn før etter at eit fond nyleg løyvde 3,8 millionar kroner til arbeidet. Kva heiter fondet?
- I kva departement har Atle Hamar frå Jølster blitt statssekretær?
- I 2018 budsjetterer norske kommunar med å hente inn til saman 7,5 milliardar kroner ved å bruke denne skatten. Kva type skatt snakkar vi om?
- Oppfølgjaren til den populære serien «Skam» skal spelast inn på Sandane med lokale ungdomar i rollene. Kva heiter produksjonsselskapet som saman med NRK skal produsere serien?
Fristen for å sende inn rett svar er ved midnatt same dag som quizen er lagt ut.
Om du ikkje får skjemaet til å fungere kan du sende løysingsordet saman med namn og adresse til konkurranse.sfj@nrk.no
Lykke til!