– Det var ein grei jobb å få han ut. Men utan hjul, så vart det mykje bråk og gneistar, fortel Anders Frydenlund i Viking Lærdal.
Firmaet hans har fått oppdraget med å rydde tunnelen, etter brann- og røykinfernoet som herja Gudvangatunnelen på E16 måndag. Først har dei frakta ut branntraileren.
- LES OGSÅ:
– Førebels har vi berre teke ut semitraileren som har brunne. No må vi vente på sikringsarbeidet. før vi kan hente ut noko meir, seier han til NRK.no.
Saman med kollegaene sine jobbar han tysdag kveld med å få den mange tonn tunge semitraileren opp på ei tralle, for deretter å frakte vraket til Lærdal. Der ventar nye undersøkingar av fagfolk.
Tidlegast onsdag kan dei gå inn igjen i tunnelen og hente ut dei resterande køyretøya der inne.
– Er det mykje arbeid?
– No er det berre att personbilar, ein buss og ein semitrailer. Nesten alle er køyrbare. Så det er eigentleg berre å få tak i nøklane og køyre dei ut – med nokre få unnatak, seier Frydenlund.
- LES OGSÅ:
- LES OGSÅ:
- LES OGSÅ:
– Berre nokre få bilar er krasja og fastkøyrde, seier han.