Han har samla inn 639 underskrifter med krav om folkerøysting om bompengar

Denne veka skal bystyret handsame den såkalla Førdepakken.

• LES OGSÅ: Krev folkerøysting om bompengar
• LES OGSÅ: Her kan det bli bomstasjonar frå 2015
• LES OGSÅ: Kan bli bomstasjonar alt neste år

– Drastisk innhogg

Ove H. Håkonsen, som er er gruppeleiar for Frp, seier dei meiner spørsmålet om å finansiere Førdepakken med bompengar er så stort at folket må få seie sitt.

– Vi meiner dette er såpass drastisk innhogg i privatøkonomien til folk at innbyggjarane bør få sjanse til å uttale seg om det i ei folkerøysting.

Håkonsen fortel at dei fekk nesten 1000 underskrifter, men at ein god del var frå grannekommunane, desse har han redigert ut.

– Det blir innhogg i økonomien til folk i nabokommunane og, men det er innbyggjarane i Førde som tel i denne underskriftskampanjen. Eg meiner bystyret i Førde må vere viljug til å ta ei folkerøysting på spørsmålet.