Frøy Gudbrandsen (45), sjefredaktør i Bergens Tidende, sluttar i BT og blir politisk redaktør i VG. Ho har jobba i avisa i elleve år og vore sjefsredaktør i fire.

– Å forlata BT gjer rett og slett vondt i hjartet, seier ho.

I VG blir ho leiar for kommentatorane og ansvarleg for meiningsjournalistikken, skriv Schibsted i ei pressemelding.

– Dette er den mest spanande jobben innan meiningsjournalistikken i Noreg. Eg er utruleg takksam for at VG meiner eg er rett person i stillinga, seier ho.