Målet til kommunen var freding av ei trallebane, røyrgater frå 1916 og ein kraftstasjon frå 1938.
Nye kraftanlegg inne i fjellet har tatt over og NVE krev i utgangspunktet at alle kraftinstallasjonar som ikkje er bruk må rivast eller vernast. Statkraft ønskjer riving.
Kultursjef i Høyanger, Anita Nordheim, fortvilar over at det ikkje blei vernevedtak
– Vi blei veldig skuffa då vi fekk svaret, men samstundes skriv Riksantikvaren at dette har stor kulturminneverdi. Han oppmodar både Statkraft, kommunen og andre om i fellesskap finne løysingar.
Difor har ho ikkje gitt opp håpet om at denne delen av industrihistoria skal bestå i Høyanger.
– Når vi ikkje nådde opp med fredingsvedtak, må vi finne andre løysingar. For dette er veldig, veldig viktig for oss at skal stå for ettertida, seier ho.
- Les også:
SJÅ VIDEO: 100 år gammal norsk industrihistorie kan gå tapt når Statkraft vil fjerne gamle anlegg i Høyanger.
