Tre søknadar om til saman 8,5 millionar kroner i statleg stønad er alle avslegne. Men prosjektleiar og kultursjef i Flora, Edvin Helgheim,er framleis optimistisk med omsyn til byggjestart på det planlagde store Bergkunstsenteret i Ausevika neste år.
Kultur-og kyrkjedepartementet er sist ut med å gje avslag på statleg stønad. Til saman var det søkt om 8,5 millionar kroner i statleg medverknad i senteret som skal formidle bergkunst og helleristingar på Vestlandet. Fylket og Flora kommune har tidlegare gjev grønt lys for til saman 17 millionar kroner.
På nyåret skal det om naudsynt søkjast på nytt om statlege pengar. Men før den tid har Edvin Helgheim von om pengar både gjennom statsbudsjettet og ikkje minst med hjelp av den nye stortingsrepresentanten Erling Sande.