Tidlegare partitopp Simen Bjørgen rettar i Nationen hard kritikk mot Navarsete, og seier han mista lysta til å jobbe for partiet grunna Navarsete sin leiarstil.
- LES OGSÅ:
Mista lysta på partiarbeid
– Liv Signe Navarsete har skjelt meg ut fleire gonger i sentralstyret i samband med utspel eg har hatt. Det skaper ikkje akkurat engasjement for å bidra i partiet, seier Bjørgen til avisa.
Den tidlegare Lom-ordføraren og sentralstyremedlemmet som for få år sidan vart oppfatta som eit stort politisk talent i partiet, er no ute av alle verv.
– Hadde aldri vore så skuffa over nokon
I går kom det fram at Navareste skal ha skjelt ut leiaren for Senterungdomen, Sandra Borch, under eit folkemøte i Troms. Navarsete har beklaga ordbruken.
- LES OGSÅ:
- LES OGSÅ:
No går fleire partirøyster ut og teiknar eit bilete av ein leiarkultur dei har fått nok av.
Ifølgje Bjørgen skal det ha toppa seg då han som Lom-ordførar for to år sidan gjekk ut og åtvara innbyggjarane i nabokommunen Sjåk om å stemme på Senterpartiet. Årsaka var dårleg samarbeidsklima mellom Sjåk-ordføraren og han sjølv.
– Navarsete sa at ho aldri i heile sitt liv hadde blitt så skuffa over nokon som ho var over meg, fortel Bjørgen.
Fylkestoppar ut mot leiaren
I Dagens Næringsliv laurdag ber fleire SP-toppar Navarsete om å på nytt beklage utskjellinga av senterungdomensleiar Sandra Borch.
Stortingsrepresentant Jenny Klinge frå Møre og Romsdal, leiaren i Nord-Trøndelag Sp, og fylkesleiaren i Akershus og Nord-Trøndelag ber alle Sp-leiaren om å komme med ei ny beklaging.
– Det er uakseptabelt at ein partileiar behandlar ungdom, og forsåvidt kven som helst andre, på ein slik måte. Det må vi få rydda opp i, seier fylkesleiar i Sør-Trøndelag, Gunn Iversen Stokke til DN.
I heimfylket Sogn og Fjordane oppmoder fylkesvaraordførar og stortingskandidat Jenny Følling Navarsete om å møte Borch og skvære opp.
– Viss det har vore ein uheldig episode så må dei to skvære opp, seier Følling til NRK.no.
- LES OGSÅ:
Beklagar ikkje
Liv Signe Navarsete vil ikkje kommentere saka før måndag. Då skal ho og leiar i Senterungdomen, Sandra Borch ha eit oppklaringsmøte.
Navarsete vil overfor Dagens Næringsliv heller ikkje kommentere krtikken som kjem fra frå partitoppar i dagens avisa, men svarer på kritikken tidlegare sentralstyremedlem Simen Bjørgen kjem med i Nationen.
– Det er vel kjent at Simen og eg har hatt dels sær ulike politiske meiningar i sentralstyret, og at det har vore friske diskusjonar.
Navarsete seier til avisa at ho ikkje har noko å beklage overfor Bjørgen, men at dei to er politisk svært ueinige.
Ps. Det er ikkje første gang det blæs rundt Liv Signe Navarsete grunna temperamentbruk.
- LES OGSÅ:
I april i fjor brast det for Sp-leiaren då ein sjukehusaksjonist i Nordfjord konfronterte henne med regjeringa sin sjukehuspolitikk. Navarsete tente på alle pluggar med både NRK og TV 2 til stades, noko ho kort tid etter beklaga.