- No er det så mange eksempel på at det berre blir leika med fakta. Regjeringa og Helsedepartementet har ikkje skilt mellom fakta og behovet for å kome opp med nokre argument for kunne gjere det dei ynskjer å gjere. Altså å legge ned i Nordfjord, seier Venstre sin ordførarkandidat i Eid, Alfred Bjørlo.
Det er ikkje berre når det gjeld
når dei skal kommentere nedlegginga av tilbod ved Nordfjord sjukehus.Feil om folkesetnad
Førre veke veke sa statssekretær Tord Dale i Helse og omsorgsdepartementet følgjande om kvifor dei vil oppretthalde fødeavdelinga i Narvik i Nordland, samstundes som dei vil legge ned fødeavdelinga i Nordfjord:
NRK har bedt Helse Nord om å legge fram tal om befolkningsgrunnlaget til sjukehuset i Narvik. Svaret er 26400 innbyggarar, uansett korleis ein reknar er dette svært nær pasientgrunnlaget til Nordfjord sjukehus.
Dale tek ikkje sjølvkritikk
- Eg vart spurt om Narvik heilt konkret. Då viste eg til at det geografiske omlandet i Narvik er noko annleis enn det er i Nordfjord. Sjølv om ein skulle slå saman fødeavdelingane i Narvik og Harstad så er det slik at fleire vil ha ein større reiseavstand til fødeavdelinga i Harstad.
Frå ytterpunkta i ein svært tynt befolka region, vil enkelte kunne ha opp mot tre timar til Harstad sjukehus om fødeavdelinga i Narvik vart lagt ned. Frå ytterpunkta i Nordfjord snakkar ein også om minst to og ein halv time til Volda. Også talet fødslar ved sjukehuset i Narvik ligg på omlag det same som i Nordfjord.
- Ein kan ikkje fatte så viktige avgjerder på eit faktagrunnlag som alle ser er berre tull, seier Alfred Bjørlo.