– Vi meiner Åsaelvi kraftverk vil føre til ei redusert vassføring i Åsafossen, ein foss vi meiner har stor landskapsmessig verdi. Både isolert sett, men også fordi den ligg så nære den nasjonale turistvegen Sognefjellsvegen.
Det seier Erlend Støle Hansen som er sakshandsamar i Norges vassdrags- og energidirektorat (NVE).
Åsafossen er godt synleg for dei som køyrer langs Sognefjellsvegen. Også Fylkesmannen var negative til utbygging av Åsaelvi, og viste i si fråråding til at eit kraftverk her ville få store konsekvensar for landskap, turisme og til dels friluftsliv.
- Les også:
- Les også:
Tor Arne Pedersen, dagleg leiar i Norges Småkraftverk som hadde søkt om å få byggje ut Åsaelvi kraftverk, er skuffa.
– Vi har lagt ned store ressursar i prosjektet og er sjølvsagt skuffa over at NVE har gitt oss avslag. På den andre sida har vi forståing for dei argumenta som NVE gir i avslaget, seier Pedersen.
Han seier dei ikkje har teke stilling til om dei vil anke avgjerda vidare til Olje- og energidepartementet enno.
- Les også: