Evakuerte får flytte heim igjen

Det kom store nedbørsmengder natt til måndag og fleire vegar i Nordfjord blei stengde. 50 personar frå Blakset, Markane og Lote blei evakuerte på grunn av all nedbøren.

• LES OGSÅ: 43 framleis evakuerte etter flaum
• LES OGSÅ: Den store vassføringa vil minke

Operasjonsleiar ved Sogn og Fjordane politidistrikt, Hans Petter Harlem, seier at elvane har trekt seg tilbake og faren for ny flaum og skred er liten.

– Vi har hatt kontakt med geolog og med vakthavande meteorolog ved vêrvarslinga som opplyser at det vil bli med mykje mindre nedbør i dagane framover. På bakgrunn av dette har politimeisteren i Sogn og Fjordane oppheva evakueringa.

• LES OGSÅ: Har ikkje sett liknande på 80 år