– Eg hadde akkurat komme heim frå jobben, og hadde byrja å lage mat. Då kom naboen og fortalde at det lukta røyk, seier Leila Jabbari Dizicheh.
– Mannen min gjekk ut for å sjå, og då oppdaga vi at det var ein brann, seier ho.
Det som skulle ha vore ein ordinær middag for familien vart med eitt eit drama, då det måndag tok til å brenne i ei naboleilegheit.
Ei 24 år gammal kvinne og den 20 månader gamle sonen hennar ligg tysdag kveld framleis kritisk skadde på Haukeland Universitetssjukehus.
- LES OGSÅ:
Fryktar for kva som kunne ha skjedd
Den vesle familien var naboar med dei skadde bebuarane, og kan ikkje heilt tru det som har skjedd.
– Korleis har de det i dag?
– Vi er veldig, veldig triste. Barna våre såg alt, og eg tenkjer på kva som kunne ha skjedd om heile huset hadde teke fyr, seier Leila Jabbari Dizicheh.
– Vi er jo så mange som 27 menneske her i huset, seier ho ettertenksamt.
- LES OGSÅ:
- LES OGSÅ:
(Artikkelen held fram under biletet)
Er sterkt prega etter brannen
Politiet fekk melding om brannen i huset kalla Mølla klokka 15:38. Ti minutt seinare var brannen sløkt.
Kriminalteknikarar har tysdag jobba på staden for å finne ut kva som kan ha starta brannen. Politiet etterforskar også saka taktisk.
- LES OGSÅ:
Naboane håpar å få svar på kva som skjedde.
– Eg vart veldig trist då eg såg kvinna og borna hennar. Eg leikte jo med ungane, så no er eg berre trist, seier Yasamin Vohooshi Esfahani.