Enklare med oppdrett av andre artar
Regjeringa gjer fleire endringar i forskrifta for akvakultur av andre artar enn laks, aure og regnbogeaure.
– Desse endringane skal forenkle saksbehandlinga og bidra til at oppdrett av andre artar blir meir lønnsamt og konkurransedyktig, seier fiskeri- og havminister Cecilie Myrseth.
Blant dei mest sentrale grepa er fjerninga av restriksjonar mot oppdrett av fleire artar på same stad, og ei presisering av forbodet mot oppdrett av torsk i gyteområde.