Lukta av sau er stram og det er ein klam eim i lufta. Dei nyleg avliva sauene heng etter bakføtene på samlebandet som går seg sakte framover. Der står saueklipparane på rekkje og rad og tar for seg kvar sin del av dyret.
Dei må jobbe raskt og effektivt for å kunne halde tempoet til samlebandet. Forutan ein mann frå Polen, er det berre makedonarar som klipper sauer ved Nortura-anlegget i Førde.
– Dei er profesjonelle folk som gjer ein svært god jobb, fortel fabrikksjef Eivind Fonn.
13 ulike ullklassar
39 år gamle Nazif Dalseth kjem også frå Makedonia. Han har jobba som ullklassifisør ved slakteriet i Førde i 15 år.
– Det er 13 ulike ullklassar. Med ein gong er ser ulla veit eg kva klasse den høyrer til, seier han.
ULL: Nazif Dalseth (39) har vore ullklassifisør ved Nortura-slakteriet i Førde i 15 år.
Foto: Ådne Sandvik Dyrnesli / NRKPå det meste blir det produsert tre tonn sau- og lammeull i døgnet ved Nortura-slakteriet i toppsesongen. Dei profesjonelle klipparane frå Makedonia klipper opp mot 2.700 sauer per dag.
– Sauene blir klipte først etter at dei er avliva fordi det er mest effektivt, fortel sjef ved klippeavdelinga, Nils Paulen. Også han er rosar klipparane frå Makedonia.
– Dei treng nesten ikkje opplæring, dei jobbar veldig effektivt og dei gjer ein veldig god jobb, seier han.
SAU: Sauene blir hengde etter bakføtene og 10 uliker klipparar klipper kvar sin del av dyret.
Foto: Ådne Sandvik Dyrnesli / NRKBlir vaska i England
Fonn fortel at ulla blir send til England for vasking.
– Det er ingen ullvaskeri i Norge og vi sel ull til verdsmarknaden. Vi har oppretta eit dotterselskap i England og vi sender ulla over dit der marknaden er. Norsk ull er av god kvalitet og er ettertrakta, seier Fonn.
