Tone Damli og Aksel Hennie gifter seg på Sicilia

Det er seoghør.no som melder dette.

Bryllaupet skal finne stad 1. august i byen Taormina, truleg på stranda, ifølgje nettstaden.

Søstera til Tone, Tale Damli Aaberge (25) og bestevenninna Eva Weel Skram (26) skal vere forlovarar for den profilerte artisten.

Aksel Hennie skal ifølgje nettstaden ha valt faren sin, Morten Hennie, og skodespelarkameraten Nicolai Cleve Broch som sine forlovarar.

• LES OGSÅ: Tone må vekk frå Norge for å finne juleroen etter hektisk år
• LES OGSÅ: Tone kappes med Wolff og Järvinen

Ville også valt Taormina

– Taormina er kanskje den finaste staden eg har vore på, ei middelhavsperle som er så blendande vakker at det knapt er til å tru. Det er veldig reint og pent og skikkeleg, med perfekte postkortmotiv overalt kor du trur det, seier Se og Hørs eigen reisereporter Erik Valebrokk.

Han legg til at dersom han skulle ha gifta seg på nytt ville han også valt den idylliske staden.

• LES OGSÅ: Tone skal delta i svenske MGP
• LES OGSÅ: Tone giftar seg ikkje i Sogndal

Travel med både Idol og MGP

I tillegg til bryllaupsførebuingar har Damli travle tider. Denne veka startar realityshowet hennar «Tone» på TV2.

Ho er også aktuell med ny plate, i tillegg til at ho skal vere ein av dommarpanelet i Idol denne våren.

Sogndalsjenta skal også delta i den svenske Melodi Grand Prix, Melodifestivalen. 9. februar står ho på scena i delfinalen i Göteborg i duett saman med Erik Segerstedt.

• LES OGSÅ: Aksel fridde - Tone sa ja