Aksel fridde - Tone sa ja

Det er VG Nett som fortel nyheita om eit av Norges hottaste par. Sognejenta har vore saman med Hennie sidan 2009. Dei to er sambuarar i Oslo og no har dei altså forlova seg i ein av verdas mest romantiske byar.

– Ja, eg kan stadfeste at Tone og Aksel har forlova seg i Paris, seier manager David Eriksen til nettavisa.

• LES OGSÅ: Tone Damli får skulda for at unge jenter byrjar med p-pillar
• LES OGSÅ: Tone Damli med joikepop

Han er manager for Damli Aaberge og har snakka med paret etter frieriet.

– Tone er veldig glad og lykkeleg no. Aksel fridde med ein flott ring. Det blir truleg eit sommarbryllaup neste år, seier han.

Tone Damli Aaberge blei landskjend då ho var med i Idol i 2005. Artisten frå Sogndal har gitt ut fleire plater dei siste åra. Aksel Hennie er ein av dei mest kjende skodespelarane i Norge, og har vore med i mange store filmar.

• LES OGSÅ: Gir Tone Damli si nye plate ein 8ar
• LES OGSÅ: Tone får skryt for ny musikkvideo