Bil trilla utfor vegen i Samnanger
Føraren av ein Porsche måtte sjå bilen forsvinna utfor vegen og ned i skogen i Rolvsvåg i føremiddag. Sjåføren stogga på grunn av mistanke om punktering. Då han hadde gått ut for å sjekka, byrja bilen å trilla. Porschen tok turen om lag 100 meter nedover ein veg, før han køyrde utfor og enda på taket med store skadar. Føraren var aleine då uhellet skjedde.
