Klokka 13:28 fekk naudetatane melding om ein bil som har køyrd utfor kaien i Kjerreidviken i Bergen.
– Bilen er heilt under vatn, seier operasjonsleiar i Vest politidistrikt, Eivind Hellesund.
Alle naudetatar rykka ut, og var raskt på staden.
Ein person er henta opp frå sjøen og får livreddande førstehjelp.
Kva som gjorde at bilen hamna i sjøen, er framleis ukjent.
Dykkarar fekk raskt henta opp bilførar, og har søkt i bilen og områda rundt.
Det er ikkje noko som tyder på at fleire var i bilen, skriv Vest politidistrikt.
Naudetatane jobbar framleis på staden.
Sjåføren er ein mann i 80-åra, og er no køyrd til Haukeland sjukehus, men skadeomfanget er ukjend.
Politiet snakkar med vitne og opprettar sak på hendinga, seier Hellesund.
Bilen blir berga opp frå sjøen i løpet av ettermiddagen.