For sjølv om valdeltakinga på fylkestingsvalet gjekk ørlite opp, er det framleis nær 40 prosent av veljarane i Sogn og Fjordane som ikkje stemte ved årets val.
Etter massakren på Utøya har det vore eit unisont ønske om høg valdeltaking, men auken er liten.
Hadde håpa på over 70 prosent
På landsbasis er snittet 62,6 prosent oppslutnad i dette valet, noko som er ein framgang på 0,9 prosentpoeng frå valet i 2007.
Torbjørn Vereide som , er skuffa over at ikkje fleire ville vere med å støtte opp om demokratiet. 5. kandidaten til fylkestingsvalet i Sogn og Fjordane seier håpet var ei valdeltaking på over 70 prosent.
– Vi hadde håpa at fleire skulle gå til valurnene og seie kva dei meiner. Valdagen er den gongen vanlege folk kan seie kva dei meiner, seier han.
- LES OGSÅ:
Vil ha endå fleire opp frå sofaen
Snittet for kommunevalet i Sogn og Fjordane var på 66,5, mot 63,5 i 2007. Når det gjeld fylkestingsvalet, enda valdeltakinga på 61,7, mot 59,8 i førre val.
Vereide er utruleg glad for dei stemmene som har kome inn, men seier at no må politikarane bli flinkare å mobilisere.
– Det er vårt ansvar som politikarar å sørgje for at folk blir engasjerte og bryr seg om sakene vi kjempar for. Tidlegare år har vi fokusert på å få folk ut av den raude sofaen. I år har eg hatt eit sterkt bodskap at uansett farge på sofaen, så må dei komme seg opp og fortelje kva dei meiner.
