Åsane nedsabla serieleiar Kongsvinger 5–0 på bortebane i 1. divisjon sundag ettermiddag. Tapet var berre Kongsvingers andre denne sesongen. Dermed karra laget seg over kvalik-plassen i divisjonen. Sidan 1. mai har Åsane tapt heile seks kampar og berre vunne to. Dermed var det tre viktige poeng dei oransjekledde sikra seg på Gjemselund sundag.
Nora Eide Lie (biletet) og Brann fekk det tungt i Oslo laurdag. To mål av Karina Sævik og Elise Thorsnes var nok til å sikra heimelaget sigeren mot tabellnabo Brann. Med sigeren på heimebane toppar Vålerenga no tabellen, medan Brann ligg åtte poeng bak på ein 3.-plass.
I Bergen blei det også tap for Arna-Bjørnar. Arnalaget ligg sist på tabellen med berre 2 poeng, og gjekk på sitt fjerde strake heimetap då dei tapte 0–1 for Røa.
Det siste bergenslaget gjekk også på tap, då Kolbotn slo Åsane 1–0 på heimebane.
Etter laurdagens kamp er Kolbotn nummer åtte på tabellen med elleve poeng, medan Åsane er på 9.-plass med fire poeng.
Det enda 1-1 og med poengdeling på Åsane Arena i kvinnenes toppserie i fortball laurdag. Ingen av laga tek sin første siger for sesongen, og avstanden mellom Åsane og Arna-Bjørnar blir den same i botn av tabellen. Arna-Bjørnar tok ei tidleg leiing etter eit sjølvmål av Åsane-keeper Savanna Duffy, og litt ute i 2. omgang utlikna Katarina Sunde for heimelaget.
Arna-Bjørnar kom under 0–2 etter berre eit kvarter av Toppserie-oppgjeret mot Stabæk på Arna idrettspark laurdag. Men ei redusering av Anna Nigardsøy ti minutt før ordinær tid gjorde at spaninga levde gjennom heile kampen. Diverre for heimelaget blei det ikkje fleire mål, og Arna-Bjørnar står no med eitt fattig poeng etter fire serierundar.
På Åsane arena tok heimelaget imot Brann til byderby. Mål av Signe Gaupset og to mål av svenske Johanna Renmark gjorde kampen til ei ganske komfortabel affære for Brann, som no har seks poeng etter tre kampar. Det held til ein førebels femteplass på tabellen.