Får fem månader i fengsel etter å ha lurt mindreårig jente til å kle av seg

Ein mann frå Stord er dømt til fengsel i fem månader, etter at han ved fleire høve fekk ei 13 år gammal jente til å kle av seg i videosamtalar med han. Ifølgje dommen frå Haugaland og Sunnhordland tingrett skal mannen også ha vist fram sitt kjønnsorgan til jenta. Retten meiner han har lurt og lokka jenta til å kle av seg. Mannen har erkjent forholdet.