Miljødirektoratet åtvarar mot å satse på kvotekjøp og biodrivstoff
Kvotekjøp og import av biodrivstoff har historisk vore blant verkemidla for å sikre at Noreg har nådd dei internasjonale forpliktingane sine i klimapolitikken. Men dette bør ta slutt, konkluderer Miljødirektoratet i den nye rapporten «Klimatiltak i Noreg – kunnskapsgrunnlag 2024».
«Kvotetaket skal ned mot null innan 2040, og det er ikkje gitt at kjøp av utsleppsreduksjonar i EU-land blir billigare enn nasjonale klimatiltak», skriv direktoratet.
– Det blir spennande å sjå om rådet blir følgt, eller om politikarane køyrer på som før – med amerikansk og kinesisk slakteavfall som råstoff for biodrivstoffet, skriv redaktør i Energi og Klima, Anders Bjartnes.