20 millionar meir i tilskotsordninga for kommunale legevakter

I 2024 blir det lyst ut 70 millionar kroner i legevakttilskot for distriktskommunar, 20 millionar kroner meir enn i 2023.

– Tilskotet er viktig for å sikre innbyggarar eit godt akutt-tilbod, og skal bidra til betre rekruttering og redusere vaktbelastninga i legevaktordninga i distriktskommunar, seier helse- og omsorgsminister Ingvild Kjerkol.

I 2021 viste ei kartlegging at vaktbelastninga på fastlegane var størst i dei minste kommunane. Det er ofte kommunar som allereie slit med å rekruttere legar.