Golftalent frå Florø klar til EM

Golftalentet Jakob Stavang Stubhaug frå Florø er klar for EM i golf om nokre veker.

Det er første gang florøværingen er med i EM.

– Eg reiser alltid for å spele mitt beste. Eg har jo lyst til å vinne, men kjem eg mellom 15. og 20.-plass har eg spelt ei god turnering.

Stubhaug har dei siste åra vore golfstudent på Keiser University i USA.

Frå hausten av begynne han på det øvste collegenivået i USA – som for mange er siste steg på vegen før profflivet. Det er til dømes det same nivået Viktor Hovland var på før han blei proff.