Vil innføra GSU – gardssparing for unge

Senterpartiet vil reversera si eiga regjering sine kutt i Bustadsparing for unge (BSU). I tillegg vil dei innføra ei ny ordning for unge som sparar til gard. Det melder NTB.

– GSU vil gjera at sånne som meg kan få inntil 12.000 kroner i skattelette kvart einaste år, seier sentralstyremedlem Dordi Lerum i Senterungdommen til NTB. Det var ungdomspartiet som fekk kjempa gjennom BSU-vedtaka på Senterpartiets landsmøte søndag – mot sentralstyrets vilje.

I forslaget til GSU-sparing er sparegrensa 30.000 kroner kvart år, og 400.000 kroner totalt. Skattefritaket er føreslege til 20 prosent.