Varebil hamna i elva
Ein varebil har hamna i elva i Lærdal ved Borlaugkrysset i føremiddag. Sjåføren var aleine i bilen, og fekk hjelp av forbipasserande til å komme seg på land.
– Føraren er send til sjukehus i Førde, men er vaken og ikkje alvorleg skadd, seier operasjonsleiar Knut Dahl-Michelsen.
Webkamera frå Statens vegvesen viser bremsespor i rundkøyringa og eit autovern som er blitt køyrd over.