Raudt meiner oppussing bryt lova
Selskapet som skal riva rådhuset i Bergen innvendig leier inn ein tredel av staben. Raudt-gruppeleiar Sofie Marhaug meiner det bryt med lova, skriv BT. Arbeidsmiljølova slår fast at arbeidstakarar som hovudregel skal tilsetjast fast, men kommunen sine fagfolk meiner dette tilfellet er lovleg fordi arbeidet er av «midlertidig karakter». Byrådet vurderer no å stramma inn kommunen sitt regelverk ved kontrakttildeling, ifølgje avisa.