Får likevel støtte til luftputebåt
Veitastrond bygdelag får likevel driftsstøtte til luftputebåten, det bestemte samferdsleutvalet i går. Båten har vore brukt som framkomstmiddel når bygda har vore isolert av snøskred, og frå 2011 til 2016 har bygdelaget fått eit årleg driftstilskot på 90.000 kroner. Fylkesrådmannen bad politikarane seie nei, fordi sikringstiltaka som er gjort langs vegen gjer båten overflødig. Samferdsleutvalet seier løyvinga i år blir den siste.