Hopp til innhold

– USA kan drepe sine eigne borgarar med dronar

USA kan drepe sine eigne borgarar med dronar, har Obama-administrasjonen slått fast. – Eg er meir enn skremt, seier ein republikansk senator.

Drone, Rand Paul

Justisministeren i USA, Eric Holder, har no slått fast at det i ekstraordinære tilfelle er mogleg for Obama å beodre drap på sine eigne statsborgarar.

Foto: AP Photo/Anthony Jeuland/ECPAD/Jacquelyn Martin

«Det er mogleg å sjå for seg eit ekstraordinært tilfelle der det vil vere naudsynt og passande under det amerikanske lovverket å la militæret bruke dødeleg makt innanfor USA sine grenser.»

Dei oppsiktsvekkjande opplysningane kjem fram i eit brev sendt av USA sin justisminister, Eric Holder. Brevet var adressert til den republikanske senatoren Rand Paul, som spurte justisdepartementet om Barack Obama har autoritet til å kommandere eit angrep på ein amerikansk borgar i USA.

Justisministeren understrekar at dette er ei hypotetisk problemstilling, men det er like fullt første gong i amerikansk historie at ei regjering har slått fast at dei har autoritet til å kommandere drap på sine eigne statsborgarar.

– Meir enn skremmande

Rand Paul

Den republikanske senatoren Rand Paul seier han er meir enn skremt over svaret han har fått frå Obama-administrasjonen.

Foto: JOHN SOMMERS II / Reuters

Bakgrunnen for spørsmålet var at senator Paul nekta å godkjenne nominasjonen av den nye CIA-sjefen grunna hemmeleghald av USA sitt droneangrep. Den republikanske senatoren reagerer svært sterkt på svaret han fekk frå Obama-administrasjonen.

– At Holder ikkje vil utelukke droneangrep på amerikanske statsborgarar er meir enn skremmande – det er ein direkte fornærming mot Grunnlova som slår klart fast at alle amerikanarar har rett til ein rettsprosess.

Den framtidige CIA-direktøren, John Brennan, forsvarte bruken av dronar då han vart grilla i Kongressen for ein månad sidan. Han vert rekna som arkitekten bak droneprogrammet, som har teke livet av amerikanske statsborgarar i utlandet.

Det er uklart kor mange sivile som er råka, men New York Times meiner å ha tal som viser at 80 uskuldige sivile er blant dei 400 som er drepne i Jemen. Til saman er over 3.000 menneske drepne av dronar i Obama sin første periode.

John Peder Egenæs

John Peder Egenæs i Amnesty er sterkt kritisk til utviklinga i USA.

Foto: Poppe, Cornelius / SCANPIX

Generalsekretær i Amnesty International i Norge, John Peder Egenæs, er også av dei som er bekymra for utviklinga i USA.

– Dette er ekstremt bekymringsverdig. Det viser jo kor grenselaust droneprogrammet til USA allereie er, og frykta for at det kan gå enno vidare, seier Egenæs til NRK.no.

– Dei kan gjere akkurat som dei vil

Han meiner det ikkje betyr noko at Holder seier det er ei hypotetisk problemstilling, og at det berre skal bli gjort i ekstreme tilfelle.

– Ekstreme tilfelle som ikkje er nøye definert i eit lovverk vert berre utvida og utvida så lenge makthavarane finn seg tent med det. Så lenge det ikkje er noko definisjon så er det fritt opp til sitjande regjering å bestemme kva det er. Derfor er det ingen trygging at han tek slike atthald.

– Det betyr eigentleg «me gjer det me vil når me finn det naudsynt», seier Egenæs.

Barack Obama har tidlegare signert ei kontroversiell lov som gjer at amerikanarar kan bli sett i fengsel av militæret på ubestemt tid, utan høve til rettssak. Men at dei også tolkar lova til å omfatte drap på eigne borgarar, er altså nye opplysningar.

Om ikkje dette skulle vere nok, så er Obama også den første presidenten i historia som har beordra drap på ein amerikansk statsborgar i utlandet. I 2011 godkjente han nemleg avrettinga av den amerikanskfødde Al Qaida-leiaren Anwar al Awlaki i Jemen.

Under likvideringa skal også al-Awlaki sin 16 år gamle son, som hadde amerikansk statsborgarskap, ha blitt drepen.

SISTE NYTT

Siste nytt

Biden faller på flytrappa

Øyeblikkene som kan felle Biden

Det startet med noen fall, et feil navn her og der, antydninger om dårlig hukommelse. Nå vakler den amerikanske presidenten mer enn noen gang.

Donald Trump, som fortsatt sier han skal få slutt på krigen i Ukraina,

Trump snakket med Zelenskyj – lover å få slutt på krigen

Donald Trump snakket fredag med Ukrainas president Volodymyr Zelenskyj. Trump gjentar at han vil få slutt på krigen i Ukraina.

Demonstranter utenfor det statlige TV-byrået i Dhaka, 19. juli Her står fire mennesker i forgrunnen. En av de holder armene ut, og de bærer kjepper. I bakgrunnen ser en flere demonstranter og røyk.

Opptøyene eskalerer i Bangladesh: Regjeringen innfører portforbud og setter inn militæret

Studentopptøyene i Bangladesh har så langt krevd minst 105 menneskeliv. Fredag stormet demonstrantene et fengsel i hovedstaden Dhaka, og flere statlige nettsider er blitt hacket.