Hopp til innhold

Wanted - dead or alive

Obama-administrasjonen har gitt grønt lys for å anten drepe eller ta til fange den USA-fødde Al Qaida-leiaren Anwar al Awlaki.

Anwar al-Awlaki

USA-fødde Anwar al Awlaki er på lista over personar USA kan ta livet av.

Foto: Muhammad ud-Deen / Scanpix/AP

- Awlaki er ein klar trussel. Han er no eit mål, seier ein anonym tenestemann i Washington til nyheitsbyrået Reuters.

Anwar al Awlaki oppheld seg truleg i Jemen, der han har ei viktig rolle i ein organisasjonen som kallar seg «Al Qaida på den arabiske halvøya».

Den anonyme amerikanske tenestemannen seier at avgjerda om å gjere Awlaki til eit mål er teken etter eit møte i det nasjonale tryggingsrådet i USA.

Texas-massakre

Umar Farouq Abdulmutallab

Umar Farouq Abdulmutallab prøvde å sprengje eit passasjerfly over Detroit 1. juledag.

Foto: Scanpix/AFP

Awlaki blir knytt til fleire terrorangrep og forsøk på terror. Han skal ha hatt kontakt med major Nidal Hassan, mannen som er mistenkt for å stå bak drapa på 13 menneske på ein militærbase i den amerikanske delstaten Texas i november i fjor.

LES OGSÅ: 13 drept i skytemassakre i Texas

LES OGSÅ: Avhørte Fort Hood-drapsmannen

Han skal også ha hatt kontakt med Aumar Farouk Abdulmutallab, som 1. juledag i fjor prøvde å sprengje eit passasjerfly i lufta over Detroit.

Det var 278 passasjerar i flyet, ein Airbus 330 frå Northwest Airlines, på veg frå Amsterdam i Nederland til Detroit i Michigan i USA.

Det var mot slutten av flyturen at Abdulmutallab prøvde å detonere sprengstoff han hadde festa på kroppen, men han vart overmanna av andre passasjerar. Fleire vart lettare såra, også Abdulmutallab.

Han har forklart at han fekk sprengstoffet frå Al Qaida i Jemen.

LES OGSÅ: Slik så bombetrusa ut

LES OGSÅ: Siktet for 13 drap og 32 drapsforsøk etter massakre

LES OGSÅ: - Detroit-bakmenn på Guantanamo

LES OGSÅ: Obama: - Al-Qaida står bak «trusebomben»

Falske rykte

I desember i fjor opplyste tryggingskjelder i Jemen av Anwar al Awlaki vart drepen i eit angrep mot Al Qaida-tilhengjarar i Jemen. Dette har aldri vorte stadfesta,og det er mykje som tyder på at han er i live.

Men det er uklart om han framleis er i Jemen eller om han har greidd å kome seg til eit anna land.

Det at USA no har sett han på lista over personar som skal er eit «mål», død eller levande, tyder på at dei ikkje festar lit til meldingane om at Awlaki vart drepen i fjor.

LES OGSÅ: Jemen vil ikke ta ansvar

LES OGSÅ: Er dette Vestens nye fiender?

LES OGSÅ: Imam drept i Jemen-angrep

Fødd i USA

Awlaki er fødd og oppvaksen i den ameirkanske delstaten New Mexico. Han har vore imam ved fleire moskear i Denver i Colorado, San Diego i California og Falls Church i Virginia, like utanfor Washington.

Han tilhøyrer ein mektig familie i Jemen, og han reiste til Jemen i 2004. Her underviste han på eit universitet, før han i 2006 vart arrestert, mistenkt for å ha band til Al Qaida-nettverket.

Han vart sett fri i 2007, men vart sikta igjen seinare på eit liknande grunnlag, men greidde å røme før han vart arrestert.

SISTE NYTT

Siste nytt