Det blei eit dramatisk valresultat i Sverige i natt.
Korkje den raudgrøne eller den borgarlege alliansen har fleirtal i Riksdagen, og dermed er det innvandrarfiendtlige Sverigedemokraterna på vippen når Fredrik Reinfeldt no skal danne ny mindretalsregjering.
- LES OGSÅ:
- LES OGSÅ:
Statsminister Jens Stoltenberg (Ap) seier Sverige har fått ein vanskeleg parlamentarisk situasjon ved at Sverigedemokraterna har kome på vippen.
– Det er eit val utan klare vinnarar. Regjeringspartia tapte fleirtalet, men ser ut til å likevel kunne fortsetje i regjering. Samstundes kjem Sverigedemokraterna på vippen. Det skaper ein vanskeleg situasjon, seier Stoltenberg som for øyeblikket er i New York for å delta på FNs årlege hovudforsamling.
- LES OGSÅ:
Beklagar resultatet
Stoltenberg seier seg lei for at Sverigedemokraterna har fått innpass i Riksdagen, og meiner svensk politikk går ei utfordrande tid i møte.
– Det er eit utttrykk for at eit parti som har ganske ytterleggåande synspunkt når det gjeld innvandring har fått gjennomslag i svensk politkk ved å komme inn i Riksdagen. Det beklagar eg.
- LES OGSÅ:
– I tillegg skapar det ein vanskeleg parlamentariske situasjon i Sverige fordi det blir vanskeleg å styre når regjeringspartia ikkje lenger har reint fleirtal i Riksdagen, legg statsministeren til.
– Lykke til
Sjølv om Arbeiderpartiet sitt svenske søsterparti, Socialdemokraterna tapte valet for dei borgarlege, vil Stoltenberg gratulera Reinfeldt med fornya tillit frå det svenske folk.
– Eg vil ønske Fredrik Reinfeldt lykke til med å søkje å danne regjering og styre landet, sjølv om dei tapte fleirtalet i valet, seier Stoltenberg til NRK.
- LES OGSÅ: