Sør-Korea: Dette kan vi ikkje tilgi

– Vilkårlege angrep på sivile er utilgiveleg, også i humintær forstand, seier den sørkoreanske presidenten ifølgje nyheitsbyrået AFP.

Dei siterer ei kjelde i administrasjonen hans, som uttaler dette på vegner av presidenten.

– Sidan Nord-Korea framleis er i angrepsposisjon, har vi våre militærstyrkar klare til å møte nye provokasjonar med eit stort arsenal, seier han.

To sørkoreanske soldatar er drepne og fleire er såra i eit nordkoreansk angrep mot øya Yeonpyeong i Gulehavet nær grensa til Nord-Korea.

• Les: Nord-Korea angrep sørkoreansk øy

– 200 granatar på ein time

Ifølgje sørkoreanske media eksploderte fleire enn 200 granatar på øya i angrepet som skal ha vart i ein time.

Stormakter som USA, Russland, Japan og Vest-Europa har fordømd angrepet. Det samme har NATO, og tryggingsrådet i FN kallar inn til krisemøte, ifølgje AFP.

• Les: - En krig vil være slutten på regimet i Nord-Korea
  
• Les: Krisemøte i FNs sikkerhetsråd

(Artikkelen held fram under videoen.)

Skuldar på kvarandre

Nord-Korea hevdar at det var Sør-Korea som starta, og at dei berre svarte på eit angrep.

Ein talsmann for det sørkoreanske militæret har sagt at dei fyrte av ein granat i dag, men at denne vart skoten vestover, og ikkje mot nord.

• Les: – Det var Sør-Korea som starta

Trugar med hemn

Den sørkoreanske presidenten kalte inn til hastemøte med militærleiinga etter angrepet, og Sør-Korea gjorde det klart at dei ville hemne nye angrep strengt.

Nord-Korea har sagt at dei ikkje vil akseptere om sørkoreanske styrkar går over grensa.

– Vi vil fortsette med angrep om våre naboland krenkar våre grenser, uansett om det berre er med 0,001 millimeter, seier dei, ifølgje Sky News.

• Les: Stridens øy midt i Gulehavet
• Les: Tror angrepet skyldes lederskifte i Nord-Korea

Alle dei 1600 innbyggjarane på øya har gått i bomberom eller reist til fastlandet i frykt for nye angrep.