- Sionistregimet er på veg mot kollaps, sa den iranske presidenten då han talte ved grava til ayatolla Khomeinin i dag tidleg. Han gav som vanleg Israel, USA og andre vestlege land skulda for det meste som er gale i verda i dag.
Ahmadinejad har tidlegare sagt at holocaust er ein myte som er skapt som eit påskot til å oppretthalde statten Israel.
LES OGSÅ:
LES OGSÅ:
- Mordarstat
I dag kalla han Israel for «den jødiske mordarstaten», og sa at Israel har hovudansvaret for alle konfliktene i Midtausten. Han bad også alle utanlandske styrkar om å trekkje seg ut av regionen.
Ahmadinejad fylgde opp seinare på dagen då han talte til folkemengda under ein gedigen militærparade i sentrum av den iranske hovudstaden Teheran i samband med hæren sin dag. Her sa han blant anna at Iran har ei så sterk militærmakt at ingen land vil ta sjansen på å gå til angrepet på dei.
- Dei væpna styrkane i Iran er så sterke at fiendane våre ikkje ein gong vil tenkje på å krenkje vårt territorium, sa Ahmadinejad blant anna i talen sin.
Atomvåpen
Spenninga mellom Iran og dei vestlege landa er stadig aukande. Iran nektar å gi opp den kontroversielle opprikinga av uran landet held på med, og dette blir tolka som om at Iran er i ferd med å utvikle atomvåpen.
Iranske styresmakter nektar for å utvikle atomvåpen, og seinast i går sa den øvste leiaren i landet, ayatollah Ali Khamenei, at det er i strid med islam å bruke atomvåpen. Men det er få som trur på forsikringane frå det iranske regimet.
Både USA og Israel har gjort det klart at dei ikkje kan akseptere at Iran blir i i stand til å produsere atomvåpen, og ingen av landa har utelukka eit militært angrep på Iran.
LES OGSÅ:
LES OGSÅ:
MIlitærparade
Iranske soldatar pararderte i dag framfor podiet der Ahmadinejad stod saman med dei mektigaste offiserane. Nokre soldatar var kledde i grøne uniformar, andre i kvite og andre igjen i raude, slik at dei saman utgjorde fargane i det iranske flagget. Andre soldatar var i kampuniform og kamuflaskedrakter.
Shahab 3-raketten vart også vist fram. Denne raketten har ei rekkjevidde på rundt 2000 kilometer og kan nå både Israel og amerikanske basar i Midtausten.
Helikopter flaug over paraden, og fallskjermsoldatar landa i nærleiken av grava til ayatolla Khomeini.