Den makabre demonstrasjonen i Cape Town skjedde berre eitt døgn etter at tre sjølvmordsaksjonistar sprengde eit hotell i lufta i Mombasa i nabolandet Kenya. Angrepet var retta mot israelske turistar, og minst tre av dei drepne var frå Israel. Størsteparten av dei som miste livet i terroraksjonen var frå Kenya.
Born utkledde som sjølvmordsbombarar gjekk først i demonstrasjonstoget. (Foto: Anna Zieminski, EPA)
Omlag samstundes vart det gjort forsøk på å skyte ned eit israelsk charterfly som nettopp hadde teke av frå flyplassen i Mombasa. Rakettene bomma så vidt på flyet.
I går ettermiddag gjekk altså 300 demonstrantari tog til den amerikanske ambassaden i Cape Town, med born utkledde som sjølvmordsbombar i spissen. Dei hadde dynamittbelter av papp og Hizbollah-panneband, og sørafrikanske jødar høyrde sjokkerte på kampropa: "Død over Israel", "Død over USA" og "Ei kule for kvar amerikansk turist".
Demonstrasjonen i Cape Town kom i stand etter fredagsbøna på den siste fredagen i den heilage fastemånaden Ramadan, blant muslimar rekna som Jerusalem-dagen.