Avgjerda i komiteen, som er sett saman av både republikanarar og demokratar, var samrøystes. Bannon vart instruert av sin tidlegare sjef, Donald Trump, om å ikkje vitne for komiteen.
Trump har òg gått til søksmål for å hindre komiteen å få tilgang til dokument frå tida hans i Det kvite huset.
Saka mot Bannon blir no oversend til Kongressen, som skal vurdere saka torsdag. Dersom Kongressen sluttar seg til komiteen, blir saka oversend til justisdepartementet, som då vil avgjere om det blir straffesak mot Bannon.
«Villig til å bli martyr»
Leiaren av komiteen, demokraten Bennie Thompson, seier det er viktig å statuere eit døme overfor andre vitne som kvir seg for å stille. Han seier Bannon er villig til å bli ein martyr for Trump.