Det var ved 03.30-tida natt til laurdag at politiet fekk melding om at ei gravid kvinne hadde fått hjartestans på ei adresse i Thornton Heath i Croydon i det sørlege London. Då politiet kom til staden saman med ambulansepersonell, fann dei ei 26 år gammal kvinne med knivskadar, melder
.Døydde etter kort tid
Dei fann raskt ut at ho var gravid i åttande månad. Kvinna døydde etter kort tid, og det ufødde barnet vart teke ut. Barnet vart så køyrt til sjukehus i ambulansen.
London Metroplitan Police opplyser i ei pressemelding at barnet er kritisk såra. Ein 37 år gammal mann er arrestert, mistenkt for ugjerninga. Politiet kjenner ikkje motivet for drapet.
– Forferdeleg hending
Etterforskingsleiar Mick Norman kallar hendinga forferdeleg.
– Ei ung kvinne er død og tilstanden til barnet hennar er kritisk. Våre tankar går til den nærmaste familien. Vi gjer alt som står i vår makt for å finne alle relevante fakta i denne saka, seier han.
Det er førebels uklart om det var ein relasjon mellom kvinna og den 37 år gamle mannen.