Seint i ettermiddag la ein syrisk fjernsynsstasjon ut ein skriftleg bodskap frå Muammar Gaddafi, der han ber tilhengjarane sine halde fram
.- Vil okkupere Libya
I talen sin i kveld, som vart sendt ut av ein arabisk satellitt-kanal, skulda Gaddafi NATO for å ville okkupere Libya, slik at medlemslanda kan gjere seg nytte av naturressursane i landet. Han manar tilhengjarane sine til å drive geriljakrig mot fiendane.
- Kjemp mot imperialismen på same måte som foreldra dykkar gjorde, sa han i talen sin. Han heldt fram:
- Førebu dykk på gjen- og geriljakrigføring, for urban krigføring og motstandsgrupper i alle byer, vi skal sigre over fienden same kvar han er,
- Sirte er ny hovudstad
Han sa også at hovudstaden i Libya no er flytta frå Tripoli til Sirte, ein av dei få byane der tilhengjarane av Muammar Gaddafi framleis har kontrollen. Sirte er også fødebyen til Gaddafi, og det er i dette området stammen han kjem frå, høyrer til.
- Imperialist-maktene vil erobre det libyske folket. Vi vil heller døy enn å bli styrte av vestmaktene. Vi vil aldri tillate at Liba skal bli ein koloni. Libyas jord vil bli til flammar som skala brenne inntrengjarane.
Han bad NATO om å stanse angrepa mot Libya og late innbyggjarane i landet sjølve kome fram til ei løysing. Han sa også at stammefolka i Libya alltid vil stå mot inntrengjarane.
- Teikn på desperasjon
Ein talsmann for opprørarane seier at talen til Gaddafi viser kor desperat den tidlegare diktatoren er no. - Dette er berre krampetrekningar, seier han.
Saka blir oppdatert