Hopp til innhold

Fann sakna skip i orkan-område

Innholdet som skulle vises her støttes dessverre ikke lenger.

Det nicaraguanske marinefartøyet med 27 personar om bord som blei meldt sakna i orkan-råka Karibia måndag, har kome til rette.

CENTRAM-MEXICO-US-WEATHE

Orkanen 'Rina' nærmar seg måndag kveld kysten i grensestroka mellom Nicaragua og Honduras.

Foto: HO / Afp

Marinefartøyet hadde fått i oppdrag å bistå i evakueringa av innbyggjarane som bur langs kysten i det uvêr-herja området.

Etter to dagar i drift i Atlanterhavet er båten funnen og alle dei 27 personane om bord er i god behald , opplyser ein talsperson for styresmaktene i Nicaragua tysdag ettermiddag.

Orkanen veks i styrke

Marinefartøyet forsvann søndag kveld då dei skulle evakuera 23 fiskarar ved Sandy Bay på austkysten av Nicaragua, skriv den nicaraguanske nettavisa La Prensa.

Bakgrunnen for evakueringa var den tropiske stormen «Rina», som måndag blei oppgradert til orkan.

Tysdag har orkanen som venta auka ytterlegare i styrke, og nådd kategori to på fem-trinns skalaen «Saffir-Simpson». Rina har no vindar oppe i 160 kilometer i timen

Orkanen vil truleg eskalera til ein stororkan, kategori 3 eller kraftigare, før den slår inn over Mellom-Amerika og den meksikanske halvøya Yucatán.

– Ber Herren om hjelp

Kystvakten, fleire båtar og eit fly frå Luftforsvaret søkte i går etter den sakna båten i åtte timar utan hell.

– Me ber Herren om hjelp til å redda desse menneske, og om at dei kjem seg trygt i hamn, sa talskvinne og førstedame i Nicaragua, Rosario Murillo måndag, ifølgje nyheitsbyrået AFP.

Det var likevel håp om at mannskapet om bord skal greia seg gjennom uvêret, ifølgje talsmann for forsvaret i Nicaragua, oberst Juan Ramón Morales.

– Det var vaksne, sjøvande folk som er fiskarar og dykkarar. Dei hadde redningsvestar med seg og kan symja, sa Morales.

SISTE NYTT

Siste nytt