Ein talsmann seier til det japanske kringkastingsselskapet NHK tidlegare i dag at forsøka på å kjøle ned atomreaktoren ved atomkraftverket Fukushima ikkje gjekk etter planen. Men han presiserte at det ikkje var egistrert nokon lekkasje.
Likevel bad styresmaktene no 3000 menneske som bur i ein radius på tre kilometer rundt atomkraftverket om å evakuere.
Ved 16.20-tida i ettermiddag melde det japanske nyheitsbyrået Jiji at det truleg ikkje vil ta lang tid før kjølesystemet er reparert. Ein halavtime seinare kom det melding frå Det internasjonale atomenergibyrået IAEA om at kjølesystemet no er i orden igjen.
- Kan føre til katastrofe
Atomfysikar Nils Bøhmer i Bellona seier i ein kommentar at ukontrollert temperaturstigning i verste fall kan føre til ein katastrofe med store utslepp av radioaktiv forureining.
LES OGSÅ:
- Utan nedkjøling av atombrenselet kan det i verste fall skje ei alvorleg ulukke der heile reaktoren smeltar, med enorme utslepp av radioaktivt avfall, seier han.
Bøhmer seier at det er kjøleanlegget ved to av reaktorane som har svikta.
Atomeksperten Mark Hibbs ved Carnegie-instituttet seier til nyheitsbyrået Reuters at dersom dei ikkje greier å reparere kjøleanlegget i tide, er det stor fare for ei nedsmelting av reaktorkjernen. Og då er det snakk om ei alvorleg atomulukke.
.Fukushima er eitt av dei største atomkraftverka i verda.
Stenging og brann
Talsmannen seier at det er viktig at folk i området rundt atomkraftverket ikkje får panikk, og at dei held seg i ro. Det er ingen grunn til å evakuere heimane sine, seier han.
Statsminister Naoto Kan sa tidlegare i dag at fire atomkraftverk er stengde, men at det ikkje er registrert lekkasje av radioaktivt materiale.
Det vart i føremiddag meldt om brann i turbinbygningen i atomkraftverket Onagawa. Heller ikkje her skal det vere lekkasje av radioaktivt materiale. Brannen skal no vere sløkt.
LES OGSÅ:
LES OGSÅ:
LES OGSÅ:
LES OGSÅ: