Tre av dei døde er born, og for tre av dei skadde er tilstanden kritisk, opplyser det lokale politiet , ifølgje nyheitsbyrået AFP.
Bombeeksplosjonen skjedde i landsbyen Nowshera i Peshawar, nordvest i landet.
– Det var ei fjernstyrt bombe plassert i ei søppelbøtte ved inngangen til bakeriet i garnisonbyen Nowshera, fortel informasjonsministeren i provinsen, Mian Iftikhar Hussain, til AFP.
Taliban vil hemna Kashmiri-drapet
Seks personar skal også ha vorte drepne i eit anna bombeåtak ved eit busstopp i utkanten av Peshawar søndag, melder Reuters.
Pakistansk Taliban har teke på seg ansvaret for dei dødelege bombeåtaka, som skjer dagen etter at Al Qaida-toppen Ilyas Kashmiri vart drepen av amerikanske førarlause fly i stammeområdet Sør-Waziristan, på grensa til Afghanistan.
Militante opprørarar har sagt dei kjem til å hemna åtaket.