Eit Norwegian-fly på veg frå Stockholm til Nice måtte snu då det vart ringt inn ein bombetrussel frå Oslo
Flyet var på veg frå Stockholm til Nice i Frankrike då det vart ringt inn ein bombetrussel frå Oslo.
Flyet, som er av typen 737, hadde vore i lufta i 30 minuttar då ein bombe trussel blei mottatt klokka 10.39 i dag.
– Eg så flyet lande, og at det umiddelbart køyrde mange blålysbilar ut mot det, fortel vitnet Pertti Arnbergt til Expressen.
Vitnet fortel om ei stor mengde utrykningskjøretøy som no står rundt flyet.
169 personar om bord
Ifølgje SVT sine kjelder var det ein roleg stemning på flyet.
Passasjerane blei evakuerte litt før klokka 13.
SVT melder også at det svenske landslaget i svømming er blant dei 169 passasjerane om bord.
Bombehundar
Expressen skriv at politiets bombehundar er observerte ved flyet og at dei evakuerte passasjerane vart avhøyrt av politiet.
Norwegian skriv i ei pressemelding at dei kan stadfeste at det er framsett ein bombetrussel mot flyet, og dei understrekar at deira viktigaste prioritet er tryggleiken til passasjerar og tilsette, og at spørsmål om saka må rettast til Politiet.
Beskjeden om bombetrusselen kom inn klokka 10.39, og var altså retta mot eit fly som var på veg til Nice. Det blei først meldt frå svenske medium at flyet var på veg til Marseille. Men det er snakk om eit fly som letta frå Arlanda klokka 09.45, i retning Nice i Frankrike.
– Det er ein bombetrussel mot ein Boeing 737 med 169 personar om bord. Flyet snudde då dei fekk informasjon om trusselen og er på veg tilbake til Arlanda, seier Beischer.
Trussel ringt inn frå Oslo
Det er førebels ukjent om det er hald i trusselen. Flyet er no parkert på ein rullebane på lufthamna kor det ifølge FlightRadar24 ikkje er anna trafikk.
Ifølge Aftonbladet skal trusselen ha blitt ringt inn frå Oslo. Svensk politi seier at dei jobbar med å samle inn meir informasjon om kva som har skjedd.