Spenninga er stor rundt dagens tillitsavstemming i den italienske nasjonalforsamlinga. Etter å ha redda seg og regjeringa i september, er den kontroversielle Berlusconi nok ein gong i skotlinja.
- LES OGSÅ: Redder Silvio Berlusconi seg igjen?
Den 74-år gamle regjeringsleiaren har kjempa for å hindra at sentrum-høgre regjeringa skal falle frå kvarandre sidan ei utbrytargruppe trekte seg ut av samarbeidet i sommar.
Tysdag vann Berlusconi avstemminga i senatet med 162 av 308 stemmer, melder Reuters. Resultatet var som venta, ettersom sentrum-høgre regjeringa har fleirtal i senatet.
Underhuset avgjer
No ligg skjebnen til statsministeren i hendene til det italienske underhuset. Her er det ikkje like sikkert at Berlusconi vil få den støtta han treng for å fortsetja. Det endelege resultatet er venta å vera klart tysdag ettermiddag.
Mistillitsforslaget vart fremja av sentrum-venstre opposisjonen med støtte frå utbrytargrupper frå Berlusconi sitt parti, men som no har gått over til rivalen Gianfranco Fini.
- LES OGSÅ: Berlusconi og Fini ikke enige
- LES OGSÅ: Mot politisk krise i Italia
Berlusconi har varsla at han vil skriva ut nyval i landet dersom regjeringa hans vert felt.