Skytinga skjedde då ei gruppe menneske var samla til utandørs grilling, også kalla sunday cookout, vest i Baltimore i delstaten Maryland søndag kveld. Plutseleg byrja ein mann å skyte vilt mot dei, skriv nyheitsbyrået AFP.
Politisjef Michael Harrison seier at dei ikkje har klart å finne noko motiv for gjerninga enno, men at det verka som ei svært målretta skyting.
Gjerningspersonen er på frifot
Åtte personar vart trefte av skota. Den drepne vart funnen eit lite stykke frå der skytinga skjedde, politiet trur at vedkomande skal ha forsøkt å rømme etter at han vart treft av kulene.
Dei skadde er i alderen 27 til 58, ifølgje Fox 45 Baltimore. Men ingen av dei skadde skal ha livstrugande skader.