NRK Meny
Normal

Gatebråk etter kaotisk presidentval

Tilhengjarane til opposisjonsleiaren i Elfenbenskysten lagar bål i gatene etter at han vart fråteken sigeren i dag.

Ungdomsopprør i gatene

Tilhengjarane av Alassane Outtara lagar bål i gatene til støtte for sin kandidat.

Foto: ISSOUF SANOGO / Afp

President i Elfenbenskysten Laurent Gbagbo

I går fekk president Laurent Gbagbo beskjed om at han tapte presidentvalet i Elfenbenskysten. I dag vart valresultatet omgjort.

Foto: ISSOUF SANOGO / Afp
ICOAST-VOTE-RESULTS-OUATTARA-FILES

Alassana Ouattara vart utropt som vinnar i går, men i dag vart dette omgjort.

Foto: ISSOUF SANOGO / Afp

Ivory Coast Election

FN-soldatar passar på i Elfenbenskysten etter valkaoset.

Foto: Rebecca Blackwell / Ap
Erik Solheim

Utviklingsminister Erik Solheim (SV) fryktar krig i Elfenbenskysten.

Foto: Sigurdsøn, Bjørn / SCANPIX

Grunnlovsrådet i Elfenbens­kysten har gjort om på valresultatet, og seier at sittande president Laurent Gbagbo vann likevel.

Utfordrarkandidaten Alassane Outtara vart i går utropt av den uavhengige valkommisjonen som vinnar med 54,1 prosent av stemmene.

Grunnlovsrådet sa like etterpå at kunngjeringa var ugyldig fordi ho kom for seint. Fristen gjekk ut onsdag, meiner dei.

Kasta stemmer

I dag har grunnlovsrådet utropt Gbagbo som vinnar med 51 prosent av stemmene, ifølgje nyheitsbyrået AFP.

Det gjorde dei etter at stemmene i fire distrikt som støtta Ouattara, vart kasta.

– Valresultatet i distrikta er annulerte. Laurent Gbagbo er valt til president i Elfenbenskysten, annonserte leiaren i grunnlovsrådet Paul Yao N'dre på nasjonalt fjernsyn.

Grunnlovsrådet blir vurdert å vere lojalt mot Gbagbo, og ekspertar meiner han brukar rådet som ein siste utveg for å kunne halde på makta.

– Respekter folket

Utsendingar frå både FN, EU, Den afrikanske union og Carter-senteret har sagt at valet gjekk rett for seg.

Den afrikanske union seier dei er djupt bekymra over utviklinga i landet, og at dei meiner det er viktig at folket får viljen sin og at valresultatet blir respektert.

– Alle andre tilnermingar kan føre Elfenbenskysten inn i ei krise som ingen veit konsekvensane av. Det gjeld også for sjølve regionen og for heile kontinentet, seier unionen i ei fråsegn.

FN avviser at valresultatet skal endrast, slik grunnlovsrådet har gjort. FN-generalsekretær Ban Ki-moon seier Alassane Ouattara vann valet, og ber Laurent Gbagbo om å syte for ein grei overgang.

Fryktar krig

Presidentvalet skulle samle landet som vart delt mellom nord og sør i ein krig i 2002-2003. I går kveld stengde militæret i Elfenbenskysten grensene og luftrommet på grunn av den politiske krisa etter presidentvalet.

Grensene vart stengde etter at grunnlovsrådet kjente presidentvalet ugyldig.

Utviklingsminister Erik Solheim (SV) uttalte til NRK at han fryktar at uroen kan føre til ein ny borgarkrig.

– Det er eit potensial for vald. Landet har vore gjennom ein lengre borgarkrig mellom nord og sør, og det er veldig ulik regional støtte til dei to kandidatane, seier Solheim.

Gbagbo har site som president sidan 2000, medan Ouattara tidlegare har vore seniorrådgjevar for Det internasjonale pengefondet IMF.

Video Glede i Elfenbenskysten

Folk feira i gatene etter at Ouattara vart kåra til vinnar.

Laster innhold, vennligst vent..
Laster innhold, vennligst vent..

SISTE NYTT

Siste nytt