– Ikkje legg kalkunen i frityrkokaren

Under Thanksgiving er det rundt 1400 brannar som følgje av matlaging i USA. No åtvarar styresmaktene mot kreative metodar å steike kalkunen på.

Kvar Thanksgiving er det omlag 1400 brannar som følgje av matlaging i USA. No åtvarar styresmaktene mot å legge kalkunen i frityrkokaren.

VIDEO: Sjå kva som skjer når ein senkar ein frosen kalkun ned i ein frityrkokar.

Kalkunen vert senka sakte ned i frityrkokaren, og plutseleg står flammane fleire meter opp i lufta. Oljen har teke fyr, og flyt utover golvet. På få minutt står heile verandaen i brann.

Videoen er ei åtvaring til alle amerikanarar som no førebur seg til Thanksgiving, høgtida vi kallar hausttakkefest.

– Vi reknar med at det i snitt oppstår 1400 brannar kvart år på denne dagen som følgje av matlaging. Det er tre gongar så mange brannar som på andre dagar i året, skriv styresmaktene i åtvaringa.

Dei håpar at videoen skal få fleire amerikanarar til å vere meir forsiktige når dei førebur kalkunmiddagen på torsdag.

Kalkun

KALKUN: Høgtida vert markert med familiefest, og på bordet står ofte kalkun med mellom anna stuffing som tilbehøyr.

Foto: AP

Grytene eksploderer

Styresmaktene kjenner til 107 tilfelle av brannar sidan 2004, der det har vore gryter med kalkunar som har teke fyr.

– Brannane har ført til at 47 menneske er blitt skadde, og har gjort skade for 5,2 millionar dollar, står det i åtvaringa.

Thanksgiving er ein nasjonal festdag, og kanskje den aller største høgtida i USA. Der vert den feira den fjerde torsdagen i november, med familiefest og kalkun.

Kvart år et amerikanarane rundt 46 millionar kalkunar under Thanksgiving og 22 millionar i løpet av jula.

SISTE NYTT

Siste nytt

MILITÆR STYRKE: Russiske stridsvogner, pansrede kjøretøy, lastebiler og annet militært utstyr fraktes til grenseområdet mot Ukraina.

MILITÆR STYRKE: Russiske stridsvogner, pansrede kjøretøy, lastebiler og annet militært utstyr fraktes til grenseområdet mot Ukraina.

«Frykt for krig. Uklart hva Putin vil»

På grensen til Ukraina står titusenvis av soldater og store mengder våpen. Russland mobiliserer. En hel verden lurer på om det kommer et angrep, eller om det bare er en demonstrasjon av styrke.