Den islamistiske militsen Boko Haram har dei siste veke gått til angrep på kristne i det nordlege Nigeria, og berre sidan jul er over 80 menneske drepne. I ei gudsteneste i hovudstaden Abuja i dag sa han også at det truleg er folk som sympatiserer med Boko Haram i den nigerianske regjeringa.
– Sympatisørar i maktapparatet
– Nokre av dei har stillingar i den utøvande regjeringsmakta, andre igjen er å finne i parlamentet, og det er til og med ein del av dei i dommarstanden, sa Goodluck Jonathan under gudstenesta, som vart halden i samband med hæren sin dag i Nigeria.
Presidenten sa også at det er Aboko Haram-sympatisørar i hæren, i politiet og i tryggingstenesta.
– Situasjonen vi har no er verre enn borgarkrigen vi utkjempa. Den gongen visste vi kvar fienden kom frå. Men utfordringa vi står overfor i dag er langt meir komplisert, sa han blant anna i talen sin.
Dette er første gong Goodluck Jonathan har sagt at
har sympatisørar i den nigerianske regjeringa, sjølv om det lenge har vore spekulert i om det er slike band. Presidenten er no under sterkt press for å gjere noko som kan stanse valdsbruken nord i landet.Vil forsvare seg
Kristne leiarar gjekk i går ut og sa at dei no diskuterer korleis dei skal forsvare seg mot den islamistiske militsen. Leiaren for samanslutninga av kristne i Nigeria sa i går at det som no skjer i den nordlege delen av landet er regelrett
.Det er i no reell frykt i Nigeria for at valdsbruken kan ende i ein borgarkrig mellom kristne og muslimar i landet. Under borgarkrigen på 1960-talet vart over ein million menneske drepne.
Samstundes er regjeringa også pressa av kraftig motstand mot ei ny lov som fjernar statlege subsidiar på drivstoff. Det har alt vore fleire streikar og demonstrasjonar mot den nye lova, og det er varsla nye aksjonar i morgon måndag.
LES OGSÅ:
LES OGSÅ:
Krev at kristne skal flytte
Dei rundt 160 millionar innbyggjarane i Nigeria er halvparten muslimar og halvparten kristne. Dei kristne bur hovudsakleg i sør, medan muslimane dominerer i nord. Nigeria er det mest folkerike landet i Afrika.
President Goodluck Jonathan har sjølv kristen bakgrunn.
Islamistgruppa Boko Haram har kravd at alle kristne skal forlate det nordlege Nigeria, og har gjort det klart at alle som ikkje reiser risikerer å bli drepne.