Det er det japanske kringkastingsselskapet NHK som melder dette. I den korte meldinga heiter det at styresmaktene ikkje kan gjere greie for dei 9.500 innbyggjarane.
Hardast ramma
Hamnebyen Minamisanriku ligg midt i området som er hardast ramma av jordskjelvet og tsunamien. Byen ligg like nord for millionbyen Sendai, som er den storbyen i Japan som har fått merke mest til det som har skjedd.
Det er i alt 17.000 innbyggjarar i byen.
Det er uklart kva lagnad 10.000 menneske frå hamnebyen Minamisanriku har fått.
Foto: YOMIURI SHIMBUN / AfpTruleg er det mange sakna også i dei mange byane langs kyststrekninga som vart råka av naturkatastrofen, men styresmaktene har ikkje offentleggjort e samla oversikt over sakna.
Redningsarbeidet er i gang i Japan, og rundt 7500 menneske skal vere berga til i alt 25 ulike evakueringssenter frå denne byen. Det er altså uklart kva som har skjedd med dei rundt 9.500 andre innbyggjarane
Dekt av gjørme
Det er meldt at sjukehuset i byen var dekt av gjørme opp til fjerde etasje. Dette er ein av dei høgste bygningane i byen.
Japanske styresmakter sa tidlegare i dag at dei frykta over 1000 omkomne etter naturkatastrofen. Nyheitsbyrået Kyodo melder i ettermidag at 1700 menneske er omkomne eller sakna.
Rundt 300.000 menneske er evakuerte frå heimane sine i jordskjelvområdet, melder nyheitsbyrået Kyodo.
Utviklinga i Japan time for time:
LES OGSÅ:
LES OGSÅ:
LES OGSÅ:
Store delar av hamnebyen Minamisanriku er dekt av gjørme. Den store bygningen til venstre er sjukehuset i byen.
Foto: Naoki Ueda / Ap
